" Iðrun.

Horfin er flest öll heimsins blíða,

hlýt ég aðkast svo margt að líða,

lít þú því, Jesú, ljúft til mín,

líknar blessuðu augum þín.

Vinir sem fyrr ég vel nam trúa,

vilja nú flestir frá mér snúa.

Fáráðan þó ei forlát mig,

fyrst ég treysti nú best á þig.

Allir, sem þunga þjáðir,

þreyttir og heims af böli hrjáðir,

'I hjá þér finna einkalið,

andahræring og sálarfrið.

Með klökkum til þín kem ég huga,

sem kvinnan sú hin bersynduga,

viljandi fætur þínar þar,

þvo með tárum iðrunar.

Sá hefur á þér miklar mætur,

sem margar skuldir þú forlætur.

Fyrst þú upp gefur mikið mér,

mikið lát þú mig unna þér.

Klæðfald þinn ég kem að strjúka,

sem kvinnan sú hin blóðfallssjúka.

Æ, lát kraft ganga út frá þér,

ó, Jesú, til að bjarga mér.

Við ástar tillit augna þinna,

iðraðist Pétur glæpa sinna.

Eins lát þú náðar ávarp þitt,

ilja og hræra hjartað mitt.

'O, Jesú, veit mér iðran slíka,

því ég vil hjartans feginn líka,

með sárt kveinandi sorgar raust,

synd mína gráta hræsnislaust.

Einnig bið ég að þú blessir þá sál er les þetta.

I Jesú nafni. Amen.

Athugasemdir

[R .S (IP-tala skráð) 19.3.2008 kl. 15:23]

Amen

[Linda, 19.3.2008 kl. 17:54]

Yndislegt vinaog ég segi eins og R.S Amen.

Guð gefi að þú fáir að eiga yndislega og friðsæla Páska kæra vina.

knús.

[Gunnlaugur Halldór Halldórsson, 19.3.2008 kl. 18:55]

amen Guð blessi þig

[Birna Dis Vilbertsdóttir (IP-tala skráð) 19.3.2008 kl. 19:48]

Amen frábært.Drottinn blessi þig kæra vinaGleðilega páska