Alvæpni Guðs.

Guðs alvæpni taktu og trúfastur ver.

Þá viðnám þú veitir, er vopnum þeim beitir,

og sigrinum heitir hinn sigrandi þér.

Guðs alvæpni taktu og öruggur ver,

svo óvinir eigi á orrustu degi

að óvörum megi fá unnið á þér.

Guðs alvæpni berðu og vakandi ver,

og beittu á verði Guðs blikandi sverði,

þótt veröldin herði sín vélráð að þér.

Guðs alvæpni fágað í fylkingu ber,

og berðu fram skjöldinn, er skelfir þig öldin,

þá myrkranna völdin ei mega við þér.

Guðs alvæpni dýrast mun duga þér vel

á ævinnar vegi, á úrslitadegi þá bugast þú eigi, en brosir við hel.

Drottinn. 'Eg hef þér heitið, Jesús,

að hlýða og fylgja þér.

Þú vinur, bróður bestur, þitt boð sé heilagt mér.

'Eg vil ekki frá þér víkja, þú veitir styrk og lið.

'Eg þarf ekkert að óttast, ef þú ert mér við hlið.

'Eg hef þér heitið, Jesús, því heit þitt gafstu mér.

'O láttu líf mitt verða til lofs og dýrðar þér.

'I Jesús heilaga nafni Amen,amen.

Blessa þú alla er lesa þetta í nafni þínu Jesús.Amen.

Athugasemdir

[Gunnlaugur Halldór Halldórsson, 22.6.2008 kl. 12:03]

amen Hallelúja Guð blessi þig

[Rósa Aðalsteinsdóttir, 22.6.2008 kl. 15:39]

Sæl og blessuð Arabina.

Fallegur texti.

Kærar þakkir að setja hann á netið.

Guð blessi þig.

Kær kveðja/Rósa

[Ása (IP-tala skráð) 22.6.2008 kl. 21:13]

Takk fyrir yndislegan texta elsku Aida!!