Geislabrot.

Send mér, Guð minn, geislabrot í nótt,

 er glóir stjarna þín í bláu heiði,

sem gefur barni veiku viljaþrótt,

 að vinna þér á hverju æviskeiði.

Mig vantar styrk í kærleik, kraft í trú,

 og kristilega auðmýkt barnsins góða.

En veikleik minn og breyskleik þekkir þú

 og þrá míns hjarta, bænarmálið hljóða.

Gef mér kraft að græða fáein sár,

 og gjörðu bjart og hreint í sálu minni,

svo verði hún kristalstær sem barnsins tár

 og tindri hennar ljómi af hátign þinni.

Drottinn gef mér að blessun þín verði hjá oss

sem biðjum þín.

Að sá sem ekki þekkir þig ,fái að gjöra svo nú.

Þér til dýrðar Jesús Drottinn minn.

Verði þinn vilji Guð, ekki minn.

Í Jesú nafni Amen,amen,amen.

Amen