Lofgjörð

'Eg vil lofa Drottin af öllu hjarta í félagi og söfnuði réttvísra.

Mikil eru verk Drottins, verð íhugunar öllum er hafa unun af þeim.

Tign og vegsemd eru verk hans og réttlæti hans stendur stöðugt að eilífu.

Hann hefur látið minnast dásemdarverka sinna, náðugur og miskunnsamur er Drottinn,

hann gaf þeim fæðu er óttast hann, minnist sáttmála síns ævinlega.

Hann kunngjörði þjóð sinni mátt verka sinna með því að gefa henni erfðahlut annarra þjóða.

Hann er trúr og réttlátur í öllum verkum sínum, öll fyrirmæli hans eru áreiðanleg,

standa óhagganleg um aldur og ævi, framkvæmd í trúfesti og réttvísi.

Hann sendi lausn lýð sínum, setti sáttmála sinn að eilífu, heilagt og óttalegt er nafn hans.

Að óttast Drottin er upphaf speki, þeir vaxa að viti sem hlýða boðum hans.

Lofstír hans stendur um eilífð.

Sæll er sá er óttast Drottin og gleðst yfir boðun hans.

Niðjar hans verða voldugir í landinu, ætt réttvísra mun blessun hljóta.

Nægtir og auðævi eru í húsi hans og réttlæti hans stendur stöðugt að eilífu.

Réttvísum skín ljós í myrkri, mildum, miskunnsömum og réttlátum.

Vel farnast þeim sem lánar fúslega og annast málefni sín af réttvísi

því að hann mun aldrei haggast.

Minning hins réttláta er ævarandi, hann þarf ekki að kvíða ótíðindum,

hjarta hans er stöðugt, hann treystir Drottni.

Hjarta hans er óhult, hann óttast ekki;

skjótt fær hann að líta á fall óvina sinna.

Hann hefur miðlað mildilega og gefið fátækum, réttlæti hans stendur stöðugt

að eilífu, horn hans er hafið upp með sæmd.

Hinn óguðlegi sér það og honum gremst, hann gnístir tönnum og ferst.

'Oskir óguðlegra rætast ekki.

I Jesú nafni.

Amen,amen,amen.

Hallelúja honum til dýrðar.

Athugasemdir

[Birna Dis Vilbertsdóttir (IP-tala skráð) 19.12.2008 kl. 10:30]

Amen

[Aida., 19.12.2008 kl. 10:37]

Yndislegt að sjá þig Birna.

Drottinn blessi þig og varðveiti Birna mín í Jesú nafni.Amen.

[Gunnlaugur Halldór Halldórsson, 19.12.2008 kl. 14:10]

Amen Hallelúja og Guð/Jesús blessi þig

[Rósa Aðalsteinsdóttir, 19.12.2008 kl. 14:49]

Sæl og blessuð

Þakka þér fyrir þennan fallega texta.

Megi almáttugur Guð vernda þig og varðveita.

Kær kveðja/Rósa

[Kristín Gunnarsdóttir, 20.12.2008 kl. 10:30]

Amen og Guð' blessi þig góða kona

[Halldóra Lára Ásgeirsdóttir, 21.12.2008 kl. 15:40]

Sæl!

Takk fyrir þetta 

Gleðilega jólahátíð í Jesú nafni!

 Halldóra.